《Cafe般的屋子》－ 火炭 旭禾苑
- Uchi Design
- 2022年1月31日
- 讀畢需時 3 分鐘
已更新：1月10日
《Cafe般的屋子》火炭 旭禾苑
呢間屋子其實完左工都一段時間，屋主提議等佢地佈置完再一次過影相啦😭於是經屋主悉心佈置後，變成充滿色彩、生氣既屋子終於登場喇😍！
呢個單位當日收樓時，廁所門本來既方向係向大門位置，而且原先睡房既位置放唔落一張雙人床；
於是設計師將睡房係廳同廁所既位置偷左少少位，成功將睡房變成有基本配備既地台床連衣櫃；廁所門既位置扭左去屋既最入邊，有少少迂迴但又成功地隱藏左個廁所，廁所比原來細少但仍然都精巧夠用架！
呢間屋子既改動比較大，除左廁所縮細同門改位置之外，仲將本身既廚房牆身完全移除，改為開放式廚房！天花既位置為左收埋水電喉既管線，用左 #假天花燈糟 修飾並且延伸至廳出面，燈光增加左廳既氣氛之外，仲有特別功能架！打開道門仔仲可以儲物，呢個 #小閣樓 岩晒香港人需要😂
係設計元素上，屋主鍾情於身處係cafe入面既感覺，設計師特意選用較少人使用Raw系木色、金屬元素作點絀包裝成間屋子，再加上佢地擺放左到處蒐集返黎既 #日風傢俬 #小物 #植物，再配合埋智能燈光效果，令到傢俬同飾物做到互相配合，令到成個環境都好sync好溫馨好舒服，仲帶點 #小清新 #文青風 #混搭風 架
為左令間屋感覺大d 長d 冇咁大壓迫感，設計師以門口位置一整排到頂全掩門衣櫃連儲物櫃櫃，櫃身假扮成牆身，當你企係大門位置望入屋，視覺由窄拉闊，感覺更開揚。旁邊再以拉長版既離地電視櫃延續客廳既拉伸效果！見到多d地下既邊線位置，係視覺同空間上都冇咁壓住壓住喇！
呢一個超長電視櫃，其實係偷位偷到盡😂，基本上佢係一個卡位黎！唔單止可以當埋餐枱既座椅，連餐椅都可以買少張阿😜
另外，睡房房門放棄使用傳統既門身，以夾絲藝術玻璃框趟門，佢亦令到客廳多左個特色位 - 好似一個屏風咁既存在，既透光又可以慳左開門位置既空間
💡唔講你唔知，呢間屋子仲係 #智能家居 添架！雖然宜家出面既智能燈、電器、門鎖etc. 配置同app真係五花百門，屋主就揀左用 apple 既homepod 做到萬物歸宗喇！只要一聲「 #喂siri 幫我開燈、幫我開電視 etc. 」其實真係好方便易用架！
如各位屋主有興趣，記得要選擇返support既產品阿，有需要可以向我地查詢😉
💡如果你對於 #新型居屋 既擺位、間房、設計上未有概念，可以去下面既link 睇睇😊👇🏻
✅《兩房一廳➕玻璃房➕特色牆連暗門➕開放式廚房》火炭 彩禾苑（3-4人單位，實用面積439呎）
https://fb.watch/aSejP3fIyF/
✅《被光同空間聚焦既屋子》東涌 裕泰苑 (實用面積 280呎)
https://www.facebook.com/101452524801574/posts/359449462335211/?d=n
✅木白灰的屋子 - 特色牆➕玻璃趟門 （實用面積380呎，3－4人單位）
https://www.facebook.com/101452524801574/posts/422058466074310/?d=n
✅貓貓部屋（實用面積380呎，3－4人單位）
https://www.facebook.com/101452524801574/posts/394796808800476/?d=n
✅一房設計➕開放式廚房（實用面積280呎2－3人單位）
https://www.facebook.com/101452524801574/posts/381339256812898/?d=n
✅半開放式單位 － 以玻璃趟門劃分客廳同睡房既屋子 （實用面積380呎，3－4人單位）
https://www.facebook.com/101452524801574/posts/363265061953651/?d=n
歡迎咁多位屋主隨時 inbox 我地 📨 查詢細節架😆
或者，你既屋子需要報價，請去呢到 👉🏻 https://www.uchidesignhk.com/quotation
—
關於📝UCHI DESIGN
🏠 九龍觀塘巧明街105號好運工業大廈13樓A室
📞 55012139
Facebook: https://www.facebook.com/uchidesignhk
IG: ＠uchidesign.ltd
website: http://www.uchidesignhk.com/
留言