《情緒落塵區既日式屋子》秀茂坪 安楹苑
已更新：8月7日
小編同好多香港人一樣，都好鍾意去日本旅行。鍾意佢地既文化，鍾意佢地既專注於人事物既溫度、對設計既細緻度，偶爾去d偏遠既近郊都會租當地既bnb，順道感受埋真正住係日本屋子既感覺。
可能就係日本人對屋由心而發既設計同講究，日式屋子既設計深得眾多屋主歡心。
今次小編為大家介紹位於 秀茂坪 安楹苑 1房1廳，既成熟又帶高級感既日式風格屋子，實用面積有成388呎。於空間改動上不大，挪移馬桶位置至中間，拉長整個企缸，令整個浴室空間更見駛。
有d屋主會偏愛以特色牆令屋內有個焦點/睇頭，而另一個造法就係以唔同既油漆顏色，為“整個客廳” 添加「氣氛色彩」，如擴香瓶一樣只要進入空間就會轉換氛圍！
屋主們喜愛深色系，以2種藍色粉刷客廳牆身拼接深木色傢俱，亦分隔開2個區域。玄關走廊位，故意以深藍色牆身營造冷靜沉穩過場，顏色令整個人感覺向下沉，做到一種回家後，終於可以係匆忙中好好 clam down既「情緒落塵區」，沉澱所有焦燥感，不帶情緒回家。然而步入客廳，會跳入另一個有活力又氛圍既藍色－客廳區。
為平衡使用太多木系元素會有種古屋既感覺，設計師係特以加入返d 現代元素：黑鋁框、水紋玻璃等。
其中其實小編幾鍾意浴室門呢個小窗detail - 天窗式設計，即使浴室門用磨紗玻璃點都會有個人影。而呢道小門安排左小窗係人頭以上，門底亦有百摺通風位，加添左幾分日系既「人味」，又真正做到透光透風同保留私隱度！
每一吋空間都會留下屋主既個人味道，通常該區域既設計都會交由使用率最高既者話事😂好記得女屋主第一日坐低就同我地講「廚房一定要用呢隻 #摩洛哥式花磚 ！」岩阿～每個日對夜對既空間，一定要加入自己最鍾意既元素，用得就手都要養「眼」！
原則上既廚房唔大，對於鍾意整野食既人黎講，需要擺放小家電既位置好多，點都唔會嫌廚房大！如是者可以考慮廚櫃延伸至走廊，與C字櫃合拼，以唔同櫃既深度，劃開2組櫃既功能，咁樣做睇落亦唔會突兀！
想睇更多日系部屋，可以去呢到😎👇🏻
✅《令和後嘅昭和屋子》鑽石山
✅《日和年代感嘅屋子》 鑽石山 啟鑽苑
✅《室內窗嘅屋子》粉嶺 山麗苑
✅《輕日式旅館風嘅屋子》 馬鞍山 錦駿苑
🏠 九龍觀塘巧明街105號好運工業大廈13樓A1室
📞 55012139
Facebook: https://www.facebook.com/uchidesignhk
IG: ＠uchidesign.ltd
website: http://www.uchidesignhk.com/
留言