《奶油風控場藝術嘅屋子》大圍 湖景花園
屋子先天四正，間隔原身為3房，主客廁分明，亦設有工人房及工人廁。屋主表示想有特大客廳，因此拆除了其中一間客房改為多用途活動空間，移除廚房牆身改為開放式廚房，以及將原有的工人廁移除亦同時收細了工人房，令原先已頗長的客廳變得更方正更具規模！
於用色設計選色方面，全屋用色方面均以奶茶色系遊走於天地牆，無論牆身磚、地磚、檯面石、傢俱都離不開奶茶色、奶油白、深淺胡桃木、水泥色、淺粉，偶爾用黑啞金屬作點絀，配搭出溫暖、和諧、大方的溫度，又做到帶點剛強的味道。
小編就最鐘意，2個廁所嘅打卡位喇！主客廁都以不同風格視人，主廁走白色乾淨路線，於最顯眼嘅地方用上 #扇形花磚 ，簡約卻帶點復古宮庭風格，其傢俱亦呼應咗主人房傢俱嘅木框細節位！
另外，客廁用色則比較大膽，使用搶眼嘅復古綠色長條磚及白色圍邊修條，再加上胡桃木色傢俱，增加年代復古氛圍。
屋主希望門口玄關設立屏風，望增加私隱度及能緩衝傳統。設計師特以將屏風安排電視櫃側，唔需刻意再引伸部件，只需輕輕露出金屬框架連具私隱度嘅長虹玻璃即可。半透嘅玻璃令光線及屋內情況變得若隱若現，小層架更輕輕點絀屏風，輕巧又實用。屏風及電視櫃橫誇半屋，令客廳更整體又做到聰明人性化嘅設計！
隨著屏風嘅設立，唔多唔少會影嚮咗客廳電視牆原先嘅細長視覺效果。想做到高儲物量又能顧及整個屋子的感觀，因此在設計電視櫃時運用了「修容法」，利用不同深淺度顏色去修正「肥矮」的牆身，重新將重點圈出。以較深嘅奶茶色作電視特色牆背板，再以淡奶油色將電視儲物櫃突顯出來，電視櫃嘅橫又長修正視覺比例，再將地櫃禁低「擺係地下」，成個客廳睇落修長、乾淨又簡約，冇累贅嘅線條或突兀嘅家具，俾人感覺十分舒服。
用設計修正橫樑 #包樑設計
廳有橫樑一般俾人感覺都唔係咁舒服！屋子因為拆除咗客房及廚房牆身，樑位較明顯。設計師瞬間將樑位變成特色位，以燈糟方式將樑位完美包裹住！呢條橫跨整個廳嘅燈糟，令屋內變得更有氣派！
位於偏廳嘅多用途房間，閑時佢係單純嘅一個飾櫃、書架；親朋好友黎到佢係一間麻雀遊戲房；晚上，可以翻出櫃內嘅單人摺床，係為留宿親友準備好嘅睡房。
擺放5大內嵌式家電 (雪櫃、焗爐、洗衣機、洗碗碟機及消毒碗櫃) 後仍無阻空間實用感，相信係眾多家庭夢寐以求嘅廚房！再加上中島櫃將可用空間向外拋出，又係料理檯又係吧檯，料理時可以顧及整個家庭環境或同家人互動！
主人房及主廁方面，跳出一般做法嘅框框，棄掉部分空間感、走道空間，衣櫃、儲物櫃佈局以「T字型」開展，即係「生多舊櫃」出黎，令收納量大大提升！
主廁亦因先天喉管問題，難以更改整個浴室嘅大細！屋主認為可以增加櫃身亦無損大雅。
歡迎各位屋主 inbox📥查詢細節及報價😜
💡更多其他私樓、村屋嘅裝修設計，可以去呢到👇🏻
✅《夫婦二人嘅屋子》鑽石山 星河明居
✅《鑽石廳嘅屋子》黃埔 黃埔花園
✅《門處理嘅屋子》沙田 偉華中心
✅《日系廚房嘅屋子》堅尼地城 青蓮臺
✅《高貴典雅嘅屋子》將軍澳 日山康城
✅《輕奢華嘅別墅屋子》大埔 林村村屋
✅《一覽無遺嘅屋子》黃大仙 怡庭居
✅《簡約無印風》荃灣 爵悅庭
—
關於📝屋子設計 UCHI DESIGN
🏠 九龍觀塘巧明街105號好運工業大廈13樓A室
📞 55012139
Facebook: https://www.facebook.com/uchidesignhk
IG: ＠uchidesign.ltd
website: http://www.uchidesignhk.com/