《令和後嘅昭和屋子》鑽石山
- Uchi Design
- 12月5日
- 讀畢需時 2 分鐘
有一種日式風格叫昭和風，具有古屋情懷，帶d年代感。
而呢種仿舊設計必需要演進入城市人嘅生活習慣。好多家庭注重實際度之外，亦好追求空間感同設計，想要好嘅生活環境同規劃！屋子要有玄關落塵位、獨立衣帽間、多用途房間等。
屋主鍾情於日本古屋文化，屋子大大小小位置都使用了仿舊元素。玄關至客廳以深胡桃木色型造老屋感覺，滿滿年代感嘅拱門設計閘開左玄關與客廳！
傳統嘅“榻榻米房間”會有一對禾紙趟門靈活地調節空間，而呢間多用途房間則以三頁式玻璃趟門取代。為左增加客廳嘅空間感，無阻兩個空間嘅光線，又適當地保持私隱，玻璃選材以帶有復古感水紋玻璃，增加整體古風感覺！
#屋點子 💡
使用玻璃趟門間房，自然光仍然可以透過玻璃穿透出客廳；另外，趟門極具靈活度，日常可以拉開趟門，令客廳視覺上得到延伸效果，咁就唔會覺得廳細咗或有壓迫感嘅問題喇！😛
另一令人驚喜位置🤩，小編會以「可以走入去嘅衣櫃！」、「係衣帽間又係衣櫃 」、「衣帽間式衣櫃」黎形容佢！
以房中房設計嘅衣帽間，原是睡房嘅一部分，設計師將其劃出一小角落作為衣帽間，以一對清玻璃趟門隔開。當你企係衣帽間門外望入去，佢係一個超巨型U型衣櫃，前左右都可以擺放衣物。當你趟開門行入去，你會有種宏偉嘅感覺，所有野一目了然、隨手可得，絕對係所有女士夢寐以求嘅空間😜！
想睇更多日式風格，可以去呢到👇🏻
✅《日和年代感嘅屋子》 鑽石山 啟鑽苑
✅《室內窗嘅屋子》粉嶺 山麗苑
✅《輕日式旅館風嘅屋子》 馬鞍山 錦駿苑
✅《日系廚房嘅屋子》堅尼地城 青蓮臺
✅《有玄關的屋子》火炭 彩禾苑
📭 歡迎各位屋主dm查詢及報價。
報價嘅屋主記住提供屋苑名稱、座數、室號，我哋會更有效率回覆你地價錢上嘅查詢☺️
留言