《不經意嘅空中屋子》青衣青衣邨

Uchi Design
12月5日
讀畢需時 3 分鐘

「姐姐」係好多早出晚歸、繁忙家庭嘅幕後功臣，作為屋企嘅一份子，我哋好想俾一個可以好好休息、有私癮度嘅空間佢。畢竟港地屋子唔係太大，想劈出一個空間又要顧及到整體裝修設計、空間感、窗邊採光等要素，有一定嘅難度。

好多客人都好鍾意我哋果種清簡嘅日系風格，今次呢間位於 #青衣 #青衣邨 3房半一廳，實用面積有成447呎嘅屋子。全屋貫徹木色清新氛圍，無論睡房傢俱、浴室木邊鏡櫃至廚房廚櫃、客廳玄關位鞋櫃拼接門、電視櫃特式牆即儲物櫃嘅融合、空中樓閣等嘅木條子細節，帶出恬靜禪意，返到屋企有一種療癒人心嘅感覺，寧靜、舒服同清新。

當中不得不提，呢個空中樓閣(姐姐房)，屋主同設計師都花左唔少心機係設計同鋪排上，好配合到咁多位家座成員嘅生活習慣，果種不經意令佢融入大環境唔突兀！

#空中姐姐房 #姐姐房不突兀

先係～樓閣由電視特式牆同樣以木條子元素延伸出黎，安排係一個閘斜嘅靠窗位置。為避免佔用晒成個客廳嘅空間，特以上闊下窄：(上面為訓覺位置，下面為姐姐專用衣櫃)，保留多d可見光地下可，視覺上唔會太大座同壓迫。

#通風條子趟門 #日式趟門

當中亦考慮到通風同私癮度要素！雖然小樓閣靠窗，夏天熱起上黎會好焗，設計師得以安排一個可上鎖嘅活動式條子趟門幫助通風，條子與條子間可以透風透光，隨時轉換間隙大小！咁樣打開就可以做到梳氣或「偷涼冷氣」，亦都滿足到姐姐私人空間嘅需求😝另外更將樓梯與儲物櫃融合！姐姐可以櫃身嘅樓梯上落或順住漸層式半腰櫃上落！

#心機廚房

另一個亮眼位絕對係廚房，以鞋櫃分隔開廚房同玄關嘅界線。圓弧櫃角就好似guide住我行入廚房咁，廚房如順滑嘅忌廉一樣柔軟而順眼，大圓弧本身已俾人一種好舒服嘅感覺，再加上屋主選用白色 #琺瑯板安裝係見光位，再配合白色及木系廚櫃，真係眼睛好和諧！

#糞渠閂口變櫃仔

其中兩個細緻位處理好加分，舊式屋邨比較常見，係廚房內零零捨捨有道門仔－即糞渠閂口，平時有不少住戶利用呢個小空間擺放清潔等用品，因此設計師以屋內木元素將閂口包裝成「仿兩層嘅入牆櫃」，呢個安排將佢完美地「入屋」。

設計師之用心仲有呢個包邊位，以木邊包起廚房嘅轉角，細節度好高又防撞，真係十分順眼！

📭 歡迎各位屋主dm查詢及報價。

報價嘅屋主記住提供屋苑名稱、座數、室號，我哋會更有效率回覆你地價錢上嘅查詢☺️

#屋點子

想睇更多「木元素」為主調既屋子，可以去呢到😎👇🏻

✅《令和後嘅昭和屋子》鑽石山

https://www.facebook.com/uchidesignhk/posts/pfbid0o9WUsWWzUevwnP9MaQQQ6JqmrUhB4vmN2ny9GWvPWHydE3T4jFWyRFmnAxqWTvinl

✅《日和年代感嘅屋子》鑽石山啟鑽苑