一間屋子嘅佈局，好睇到屋主們嘅生活重心，畢竟每個屋子都會長時間support住我哋嘅生活日常。其他屋主又會偏重係邊方面呢🥰？ 今日小編帶大家黎到位於 #小西灣 #佳翠苑 嘅3房單位，實用面積有成606呎。於規劃上，原側上浴室同廁所係分開，改為兩者合一。亦將洗手間改細及門口改位至廚房出入，令客廳有更多可用牆身。洗手間改細後亦令其中一間睡房騰出更多可用空間。 #室內設計與風水先生的配合 有時少不免我哋都需要同風水先生「合作」😂。當佢哋提出使用一啲比較刁鑽嘅要求/顏色時，我哋都會盡力將屋主同大師間嘅需求達至和諧。 屋主十分注重家庭生活，閒時煮返兩味，周不時招呼下親朋好友上黎聚下，因此佢地十分注重廚房客廳嘅空間感！係細節討論時，屋主偏向行開放式廚房路線，感覺少道門就少個壓迫感，但最後難以被「大師」採納🙈。取捨之下廚房門改為可摺式玻璃木門，門泊埋一邊之後，亦都保留到開放式廚房嘅感覺！ #屋點子 可摺式玻璃木門，類似坊間嘅〝巴士門〞，而物料則為實木。整道門可對摺，摺起泊埋一邊比較唔阻埞，比一般木門或趟門更節省空間、工藝成本。 另一個廚房要素，大師表示廚